حبه بقلبي مايبي قول وشروح .. في البورصه يشبه سهوم المصافي

[مدغدغ النمله]

لاشك أنا من بادي الوقت مجروح
ان جيت ابـ افرح قال همي : عوافي

خلوني أبكي .. وانثر الدمع .. وآنووح
مدامها أيام عمري .. سوافي

قافي كتبته .. والمدامع لها بووح
من موقها تبدع .. جزيل القوافي

من همي اللي بين الأضلاع مطروح
باح القصيد .. وباح جرح الخوافي

تعبت من عيش.ن على غير مصلووح
شمع الأمل في مقبل العمر طافي

راح الذي يستاهل العمر والروووح
كن الديار بدون زوله .. منافي

بين العرب والناس لاشك ممدوح
رجل.ن عريب الأصل ماهوب هافي

بابه مشرع للرجاجيل مفتوح
طلق الحجاج .. مزّبن الضيف .. وافي

يبطي علي بقاسي الرمس والشوح
وانا على جمر المسافات .. حافي

مكتوب لي حبه .. على صفحة اللوح
مكتوب اهيم بحب رجل.ن سنافي

ماكني الا غصن يبكي على الدوح
طار الحمام .. وصار غصنه عجافي

يبعد .. ويرحل .. يترك القلب .. ويروح
وانا انتظر في سكة الدرب لافي

حتى غلاه بناعس الطرف .. مفضوح
كلن درا عن حب خلي وشافي

يشرق غلاه بداخل الروح بـ وضوح
شوق الهنوف اللي زهت .. بالغدافي

حبه بقلبي مايبي قول وشروح
في البورصه يشبه سهوم المصافي

من سبته شعري على قمة اسفووح
وسجلت في زين القصيد احترافي

[شموخ البحرين]

صح لســـــــانك ,,
وإعتــلاشـــــــــانك ,,
شاعرنا المبدع والمتميز

[مدغدغ النمله]

شموخ البحرين

أشكرك على مرورك الطيب

[اداري سابق]

صح لسآن شأعرها ولاهنت على نقلها
مدغدغ النمله~~

يعطيك العافيه وبنتظار المزيد

http://www.up.azaen.com/get-11-2009-6w9npo3m.gif (http://www.up.azaen.com)

[خلودي]

يعطيك العافيه
على الموضوع
الاكثرمن
رااااااااااااااااااااااااااااااااائع





تقبل مرووووووووووووووووري

[كاتم الاحزان]

لا يسعني الى ان اقول صح لسانك مع تحياتي
كاتم الاحزان