عباس المزيون
05-09-2009, 05:34 AM
مقدمة
انا شاب وسيم اطخم مفتول العضلات عريض المنكبين طولي ميه وثمانين صانتي وشعري طويل وناعم نسبيا وعندي سكسوكه ورومانسي وراتبي يصك الخمسطعش الف ريال سيارتي لكزس ذهبي موديل الفين وتسعة و ساكن مع بابا وماما في قصر مساحته 3000 متر مثلث ، غرفتي مصبوغة بلون وردي و مليانه دباديب وحلاوات مصاص وعندي سرير فله ولابتوب سوني وردي وعندي سيديات جواد العلي ومعلق بوستر نانسي عجرم وبوستر ثاني كبير مررررررره فوق الباب لماجد المهندس ومن زود حلاتي شركة نوكيا يبون يوقعون معايا كونتراكت عشان يصوروني ويحطوني على رسايل الوسايط ، بس ماما قالت لا لانها خايفه علي من العين ياي بسم الله علي من حلاتي والله اني اهبل احط كل طخوم العالم في كرتون باسكن روبنز وارميهم في سلة المهملات ..
كان هذا مجرد حلم عابر في وقت الظهيرة بعد وجبة كبسة غنية بالكربوهيدرات والدهون المشبعة مع مشروب لبن اب =====> يسمع عن السفن اب
++البداية من هنا يامضيع درب السعادة++
في الحقيقة والواقع التعيس انا ادمي من مخلفات الازمة العالمية مفصول العضلات قصير القامة مشلوخ الجبين اقرع الراس وراثة عن الوالده حفظها العزيز المنان ، والشنب ياخذا من شنب بطي البذالي بس اطول منه بحاجة بسيطه موتري سيكل هوائي جبلي ستة وعشرين مطيح من قدام لزوم الكشخه قدام ورعان الحارة والسير مدهون بفازلين علشان يطيل عمره ويحافظ عليه من الخرابات والتخبط ، ساكن بصندقة بجنب المسجد عشان احس بالاستقلالية والخصوصية والاعتماد على الذات عندي شيشه حجم صغير ومعسل زغلول متخرج من الثانوية بنسبة ثمانين بالميه ذبحتني العطالة 4 سنين من العذاب وانا ادور على وظيفة ،دورت بالخدمة المدنية قالو اقضب الباب مانوظف ثنوي رحت للعسكرية قالوا مانبي اقزام ، نبي طوال يناطحون النخل ، وانا احلف لكم اني شفت اقزام واجد داخلين طالعين لمركز التجنيد من مختلف الرتب جنود عرفاء ووكلاء رقباء ، حتى الخفير اللي عند الباب الجثري اللي معاه اطول منه تحسفت على عمري وعلى حظي التعيس وحقدت على الوالد ليش ماعنده واسطات زي العالم ويساعدني و اتوظف وادفع معهم عجلة التقدم بس اخ يالقهر يوم تشوف شايب داخل لمكتب المقدم ومعاه عياله ومايطلعون الا وهم لابسين البدل وعلى الميدان، يلعن ام القهر ياشيخ وانت ياشايبنا ورى ماتضبط علاقات مع ضباط وناس كبار واصلين والا بس شغلتك طف النور واحرث بالمزرعة اخر الليل وسوي انتاج وذبنا بالدنيا وش التفكير المتخلف؟؟؟؟!!!! ، ضارب لك عشرين ادمي بذا المزرعة والنهاية كلهم يقشمون فصفص عند البقالة ، حتى درج البقالة صار مدرج ملعب الملز من كثرتهم ، واذا قعدنا بالصالة بالبيت تقول برنامج مجلس الانس الوالده تعزف عود وانت تغني وحنا مروسين الله يخلف على جدتي يوم جابتك ، والله لو انك مانت ابوي كان مديتك بالعقال حتى تعض الحصى وتكسره تكسير من الالم
الوظيفة وتعاسة الحال
اخيرا وبعد عذاب البطالة شفت لي اعلان بمنتديات المصالة لتوظيف الشباب وبصراحه هذا المنتدى عجيب غريب يحطون لك وظايف مادري وش تبي ،راقص ، خياط ، سباك ، وشدني من بين الوظايف وظيفة خباز في مخبز افغاني بعليشة ، المطلوب شهادة ثانوية ، وسبع صور عكس اربعة في ستة ، وشد انتباهي انهم مايبون حسن سيرة وسلوك وحاطين تحتها خطين احمر ومكتوب بالاردو (ناهي سيرة) ، رحت للمخبز وسوى لي راعي المخبز (رحيم خان سرقوده )مقابلة شخصية لزوم التفشخر واخذ انطباع عن الادمي اللي قدامه ، وبعد المقابلة اعجب بي وقال لقد زوجتك ابنتي وسلمتك امارة بغداد ==> على تراب يالزلابه
نرجع لمحور حديثنا تم تعييني فني اسطوانات، وظيفتي بالمختصر فك الاسطوانة وركب واحده جديده ، والحمدلله على تعاسة الحظ اللهم لا اعتراض راتبي 500 ريال بالشهر والشغل 12 ساعة باليوم وعلى هذا الحال مرت الايام وعدت 7 سنين من عمري ولازلت شغال بالمخبز وابشركم صرت من اثرياء الطفارى فقد تمكنت بحمد الله من شراء شيشه من افخر الانواع وغيرت المعسل من زغلول إلى معسل الباشا فراولة خمسة كيلو ، واشتريت عود سالمين كويتي ست اوتار ومرواس نوعية تك بوم تك بوم وصار عندي كيرم وضومنه ومسجل ابو بابين وتمكنت من تحقيق حلمي وشريت المجموعة الكاملة للفنان عيسى الاحسائي و حوشت لي مبلغ محترم وسويت له ايداع تحت المخدة 3500 ريال وكأي شاب سعودي قام هاجس الزواج يدق مراويسه بفكري ويدندن على اوتار قلبي وبعد سحب ودف مع ضميري عزمت اواجه اهلي واعرض عليهم رغبتي بالزواج خلاص ياعالم انا صرت كبير لازم اتزوج ، شباب اصغر مني عندهم 3 عيال وانا ماعندي وش الكلام هذا ؟؟؟؟؟؟؟؟؟؟!!!!
++ محاولات الزواج ++
رحت للوالد وكلمته وصارحته وقلت له انا ما احتمل ويمكن اتهور واسويها في ولد جارنا الفلسطيني ، واقول لك على بلاطه ابي اتزوج واكمل نص ديني ، فرح الوالد وبغى يتشقق من الفرحة وانهلت دموعه وصار يبكي ويصايح وطل مع دريشة المجلس واطلق صرخاته ياناس ياعالم اخيرا راح اصير جد اسمعوا ياناس ياهل الحارة ياللي رايح واللي جاي انا بصير جد وبيصير عندي احفاد يلعبون معي مصاقيل ، وشيبان الحارة كلهم فاتحين درايشهم ويباركون للوالد ويزرغطون والعالم ترقص وفرحانه حتى عزازي يوم سمع الزغاريط جاء داز وسوى حفلة بحارتنا
سبشل لمعجبي عزازي
اللي يبي الحفلة يروح اقرب محل تسجيلات ويقول له حفلة عليشة يوم الشيبان طامروا مع الدرايش وقاعدين يزغرطون ،
الوالدة ومن زود الفرح راحت المطبخ وطلعت فوق الثلاجة وقاعدة تسوي علامة النصر بيديها الثنتنين وداقه اللطمه حبتين ياام عباس اروح تبن ياعايشة المرطه ،ونزلت من فوق الثلاجة وهي تبكي من الفرح اخيرا ياولدي ياعباس قررت تصير رجال وتتزوج وراح اشوف عيالك وراح اصير جده واحكي لعيالك كذاب ونصب الجدات ،،،
لبست الوالدة عبايتها وراحت مدرعمه على الكبينة ، لان ماعندنا خدمة تلفون بالبيت خبركم الوالد تفل على الدويش وحلف مايوصل لنا تلفون حتى يرد اعتباره ،، المهم اجرت الوالده اتصالاتها مع حريم جماعتنا ، واستقر الاختيار بعد عملية تصفية شاملة على ثلاث عوايل خاصة وان ذا العوايل الثلاث معروفين برخص المهر وجودة الانتاج
العايلة الاولى
عايلة ابو اسعد رحنا له يوم الربوع ، عشان نخطب بنته ، لكنه طلب شروط تعجيزيه يقول ملعون الوالدين لازم بيت وسيارة ومهر خمسين الف ريال ، حاولنا ناخذ ونعطي معاه قلت له ماعندي غير الثلاثة الاف وخمسميه وبسكنها بالصندقة معززه مكرمه واعلمها تقسيمات العود واخليها تعزف على كل المقامات واعلمها التك بم وتك تك بم بم بمرواسي الفاخر وراح اشتري لها شيشة ومعسل ابو هيثم واذا شفتها بدعت جبت لها معسل الباشا تفاح وبعد 15 سنة ان الله رزقنا عيال راح نكون فرقة فنيه ونكسب قروش و ربك يسهلها واخطط واشتري قصر زي الناس ياعمي انا انسان امشي على خطط وراسم طريق ولازم اشقه هاه وش قلت ياعم ؟؟ ،عصب ابو اسعد وطق فيه عرق وتلفظ علينا بالفاظ وسخه من القهر وطلع علينا ساكتون نارية كان مخبيها تحت الكنبة بالمجلس وهددني بالقتل ، انا يوم شفت الساكتون تذكرت البنادق ابو فتحتين اللي اشوفها بافلام الكراتين ، خفت وتصببت عرقا و الوالد عملها بالسروال وقاعد يبكي من الروعه، نحشنا مع الباب والنعال نسيناها مانبيها ياروح مابعدك روح الدعوة وصلت للقتل ،والوالده قاموا عيال الكلب عليهم اللعنه ذبوها من الدريشة بالدور السابع ، وهي طايحه بسرعة الجاذبية الارضية ثبتها الوالد على صدره ولعبها عرضيه ، جيت انا بالراس وعلى شنطة السيكل وقوووووووول ركبنا السيكل وعلى العايلة الثانية
سبشل ثاني
اللي يبي اللقطة يروح لليوتيوب واذا ماحصلتوها كلموا سالم مدير التلفزيون تراها موجوده عنده بالارشيف وإذا عيا لايعطيكم قولوا له من طرف عباس وهو راح يفهمها
العايلة الثانية
عايلة ابو علي ، كان ابو علي رجلا ملتزما تبان عليه اثار الطواعه فهو لا يضع نشا على الشماغ ولا يعترف بالعقال بل يعتبر لبس العقال نوع من انواع الكبرياء التكبر وشوفة النفس ، اول ماتدخل مع باب بيته تشم ريحة عود وتسمع صوت قناة المجد وعند المغسلة تشوف تقويم هجري وصحيفة مكتوب فيها كيفية الوضوء المهم كان ابو علي مزواجا لكل من يطرق بابه مخفاضا للمهور وكان من الديسكاونتيين الذين يعملون لك ديسكاونت و خصومات بالمهرو شعاره دايم في ذا الحياة يسر ولاتعسر فلم يذكر انه رد احدا طرق بابه ، المهم وبينما نحن في مجلسه نطلب يد ابنته عاتكة بنت ابي علي قال ابو علي انا ابي 45000 ريال مهر تدفعون 30000 مقدم والباقي الله يسهل ، قاطعته قليلا وقلت له طيب يابو علي انت معروف عنك التيسير على الشباب ومساعدتهم على الزواج وان الفلوس ماتهمك فأنا اقول وش رايك ب3500 مالها داعي 45000 يسروا ولاتعسروا يعني وش المشكلة لو زوجتني ب 3500 ريال تصدق يابو علي امس قريت بجريدة عكاظ واحد مزوج بنته بريال ، وش فيها لو زوجتني ب3500 عصب ابو علي وقال لي انت شكلك ماتربيت ياورع هذه سلومنا وعوايدنا وقلت له ياشيخ طش السلوم على جنب عصب ابو علي واقام علينا الجهاد واخرج سيفه من غمده وخرج ابنائه وهم يطلقون اصوات التكبير يا ابتاه اننا معاك ، بالمناسبة ابو علي يقدس العادات والتقاليد ومايرضى اي واحد يقدح فيها بذم اونقصان قام علينا هو وابنائه البرره وحططنا ارجلنا مع الباب ، والوالدة كالعادة ذبوها من الدريشة بالدور العاشر صايحت على الوالد وقلت له يابو الشباب الحق على زوجتك قبل ماتطيح ، ترى جدي الله يرحمه حطها امانه عندك يالوسخ جاكم الوالد داز وطاير واستقبل الوالدة بكتفه ورجعها لي كعب وجيت انا من ورى الوالد مخترقا الصفوف الدفاعية وشت الوالدة شوته محترمه لكنها اخطت الهدف هذه المرة وطاحت في في حفره ياحسافة على رجلك والله ولا رجل حسن ربيع كادت بشنطة السيكل لكن خيرها بغيرها
العايلة الثالثة والاخيرة
وفي نهاية جولتنا رحنا لأخر عايلة في قائمة العوايل وهي عايلة ابو شامل السر في تسميته ابو شامل لانه مشترك افاق شامل،انسان حقود وحاسد وفي نفس الوقت كلب كان ابو شامل له نظرة مختلفة وقاعد يناظر فيني باحتقار من يوم دخلنا مع الباب ويوم قعدنا بمجلسه نادى على عياله يجيبون له البشت ،، المهم لبس بشته وطلع فوق الكنبه وناظرني بطرف خشمه لمدة 3 دقايق وقال لي شوف ياعباس انت تعديت السن القانونية للزواج ومن الطبقة الكادحه في المجتمع ونصيحتي لك دور لك عايله كوادحيه وتزوج من عندهم ولاتطق باب يجرعليك المصايب و حنا ماراح نزوجك يالكوادحجي حتى يتحسن وضعك المادي وتترك وظيفتك العار وتضم للطبقة البرجوازية وتصير واحد له هيبة ، قمت انا وقلت له لايكثر يابو شامل ماتبي تزوجني قلنا عادي لكن تغلط علي وتصنفني من ضمن الكوادح يالعنصري. قفلت معي الاخلاق قمت على ابو شامل وخربت الدعوة معاه في بيته وفي وسط مجلسه وحذفته بالبيلات والوالد كمل عليه و كسر الزمزميه على راسه ، اخيرا نفذت انا والوالد حركتنا المشهورة طلع الوالد على كتفي وقاعد يزغرط ونط نطته المشهورة على بطن ابو شامل ، نحشت انا والوالد مع الباب ومايحتاج اقول لكم عن مصير الوالده معروفه ذبوها مع الدريشة وصايح علي الوالد الحق على امك ياعباس يالزلابه ،، نزلت مع الدرج داز بس للاسف مالحقت طاحت على كبوت سياره دستن 82، وقعدت الوالدة تستهبل مسويه تعورت من الطيحه زي الدعيع يوم يقعد ساعة يتمغط وهو مافيه الا العافية
اخيرا ركبنا السيكل و رجعت الوالد والوالده لبيتهم الشعبي وانا رجعت للصندقة متحطم والدموع تهل من عيوني زي البزبوز اللي يجي في اعلانات استهلاك الماء،وفي نشوة الحزن ضغطت على زر المسجل واشتغل طاهر الحساوي ( البارحة ونيت واهتز سطح البيت ) واطلقت الونات حتى ارتجت الصندقة ،، وقمت وزينت الشيشة واحرقت المعسل حتى استسلمت عيوني للنوم ولي الشيشة بين احضاني
اه
انا شاب وسيم اطخم مفتول العضلات عريض المنكبين طولي ميه وثمانين صانتي وشعري طويل وناعم نسبيا وعندي سكسوكه ورومانسي وراتبي يصك الخمسطعش الف ريال سيارتي لكزس ذهبي موديل الفين وتسعة و ساكن مع بابا وماما في قصر مساحته 3000 متر مثلث ، غرفتي مصبوغة بلون وردي و مليانه دباديب وحلاوات مصاص وعندي سرير فله ولابتوب سوني وردي وعندي سيديات جواد العلي ومعلق بوستر نانسي عجرم وبوستر ثاني كبير مررررررره فوق الباب لماجد المهندس ومن زود حلاتي شركة نوكيا يبون يوقعون معايا كونتراكت عشان يصوروني ويحطوني على رسايل الوسايط ، بس ماما قالت لا لانها خايفه علي من العين ياي بسم الله علي من حلاتي والله اني اهبل احط كل طخوم العالم في كرتون باسكن روبنز وارميهم في سلة المهملات ..
كان هذا مجرد حلم عابر في وقت الظهيرة بعد وجبة كبسة غنية بالكربوهيدرات والدهون المشبعة مع مشروب لبن اب =====> يسمع عن السفن اب
++البداية من هنا يامضيع درب السعادة++
في الحقيقة والواقع التعيس انا ادمي من مخلفات الازمة العالمية مفصول العضلات قصير القامة مشلوخ الجبين اقرع الراس وراثة عن الوالده حفظها العزيز المنان ، والشنب ياخذا من شنب بطي البذالي بس اطول منه بحاجة بسيطه موتري سيكل هوائي جبلي ستة وعشرين مطيح من قدام لزوم الكشخه قدام ورعان الحارة والسير مدهون بفازلين علشان يطيل عمره ويحافظ عليه من الخرابات والتخبط ، ساكن بصندقة بجنب المسجد عشان احس بالاستقلالية والخصوصية والاعتماد على الذات عندي شيشه حجم صغير ومعسل زغلول متخرج من الثانوية بنسبة ثمانين بالميه ذبحتني العطالة 4 سنين من العذاب وانا ادور على وظيفة ،دورت بالخدمة المدنية قالو اقضب الباب مانوظف ثنوي رحت للعسكرية قالوا مانبي اقزام ، نبي طوال يناطحون النخل ، وانا احلف لكم اني شفت اقزام واجد داخلين طالعين لمركز التجنيد من مختلف الرتب جنود عرفاء ووكلاء رقباء ، حتى الخفير اللي عند الباب الجثري اللي معاه اطول منه تحسفت على عمري وعلى حظي التعيس وحقدت على الوالد ليش ماعنده واسطات زي العالم ويساعدني و اتوظف وادفع معهم عجلة التقدم بس اخ يالقهر يوم تشوف شايب داخل لمكتب المقدم ومعاه عياله ومايطلعون الا وهم لابسين البدل وعلى الميدان، يلعن ام القهر ياشيخ وانت ياشايبنا ورى ماتضبط علاقات مع ضباط وناس كبار واصلين والا بس شغلتك طف النور واحرث بالمزرعة اخر الليل وسوي انتاج وذبنا بالدنيا وش التفكير المتخلف؟؟؟؟!!!! ، ضارب لك عشرين ادمي بذا المزرعة والنهاية كلهم يقشمون فصفص عند البقالة ، حتى درج البقالة صار مدرج ملعب الملز من كثرتهم ، واذا قعدنا بالصالة بالبيت تقول برنامج مجلس الانس الوالده تعزف عود وانت تغني وحنا مروسين الله يخلف على جدتي يوم جابتك ، والله لو انك مانت ابوي كان مديتك بالعقال حتى تعض الحصى وتكسره تكسير من الالم
الوظيفة وتعاسة الحال
اخيرا وبعد عذاب البطالة شفت لي اعلان بمنتديات المصالة لتوظيف الشباب وبصراحه هذا المنتدى عجيب غريب يحطون لك وظايف مادري وش تبي ،راقص ، خياط ، سباك ، وشدني من بين الوظايف وظيفة خباز في مخبز افغاني بعليشة ، المطلوب شهادة ثانوية ، وسبع صور عكس اربعة في ستة ، وشد انتباهي انهم مايبون حسن سيرة وسلوك وحاطين تحتها خطين احمر ومكتوب بالاردو (ناهي سيرة) ، رحت للمخبز وسوى لي راعي المخبز (رحيم خان سرقوده )مقابلة شخصية لزوم التفشخر واخذ انطباع عن الادمي اللي قدامه ، وبعد المقابلة اعجب بي وقال لقد زوجتك ابنتي وسلمتك امارة بغداد ==> على تراب يالزلابه
نرجع لمحور حديثنا تم تعييني فني اسطوانات، وظيفتي بالمختصر فك الاسطوانة وركب واحده جديده ، والحمدلله على تعاسة الحظ اللهم لا اعتراض راتبي 500 ريال بالشهر والشغل 12 ساعة باليوم وعلى هذا الحال مرت الايام وعدت 7 سنين من عمري ولازلت شغال بالمخبز وابشركم صرت من اثرياء الطفارى فقد تمكنت بحمد الله من شراء شيشه من افخر الانواع وغيرت المعسل من زغلول إلى معسل الباشا فراولة خمسة كيلو ، واشتريت عود سالمين كويتي ست اوتار ومرواس نوعية تك بوم تك بوم وصار عندي كيرم وضومنه ومسجل ابو بابين وتمكنت من تحقيق حلمي وشريت المجموعة الكاملة للفنان عيسى الاحسائي و حوشت لي مبلغ محترم وسويت له ايداع تحت المخدة 3500 ريال وكأي شاب سعودي قام هاجس الزواج يدق مراويسه بفكري ويدندن على اوتار قلبي وبعد سحب ودف مع ضميري عزمت اواجه اهلي واعرض عليهم رغبتي بالزواج خلاص ياعالم انا صرت كبير لازم اتزوج ، شباب اصغر مني عندهم 3 عيال وانا ماعندي وش الكلام هذا ؟؟؟؟؟؟؟؟؟؟!!!!
++ محاولات الزواج ++
رحت للوالد وكلمته وصارحته وقلت له انا ما احتمل ويمكن اتهور واسويها في ولد جارنا الفلسطيني ، واقول لك على بلاطه ابي اتزوج واكمل نص ديني ، فرح الوالد وبغى يتشقق من الفرحة وانهلت دموعه وصار يبكي ويصايح وطل مع دريشة المجلس واطلق صرخاته ياناس ياعالم اخيرا راح اصير جد اسمعوا ياناس ياهل الحارة ياللي رايح واللي جاي انا بصير جد وبيصير عندي احفاد يلعبون معي مصاقيل ، وشيبان الحارة كلهم فاتحين درايشهم ويباركون للوالد ويزرغطون والعالم ترقص وفرحانه حتى عزازي يوم سمع الزغاريط جاء داز وسوى حفلة بحارتنا
سبشل لمعجبي عزازي
اللي يبي الحفلة يروح اقرب محل تسجيلات ويقول له حفلة عليشة يوم الشيبان طامروا مع الدرايش وقاعدين يزغرطون ،
الوالدة ومن زود الفرح راحت المطبخ وطلعت فوق الثلاجة وقاعدة تسوي علامة النصر بيديها الثنتنين وداقه اللطمه حبتين ياام عباس اروح تبن ياعايشة المرطه ،ونزلت من فوق الثلاجة وهي تبكي من الفرح اخيرا ياولدي ياعباس قررت تصير رجال وتتزوج وراح اشوف عيالك وراح اصير جده واحكي لعيالك كذاب ونصب الجدات ،،،
لبست الوالدة عبايتها وراحت مدرعمه على الكبينة ، لان ماعندنا خدمة تلفون بالبيت خبركم الوالد تفل على الدويش وحلف مايوصل لنا تلفون حتى يرد اعتباره ،، المهم اجرت الوالده اتصالاتها مع حريم جماعتنا ، واستقر الاختيار بعد عملية تصفية شاملة على ثلاث عوايل خاصة وان ذا العوايل الثلاث معروفين برخص المهر وجودة الانتاج
العايلة الاولى
عايلة ابو اسعد رحنا له يوم الربوع ، عشان نخطب بنته ، لكنه طلب شروط تعجيزيه يقول ملعون الوالدين لازم بيت وسيارة ومهر خمسين الف ريال ، حاولنا ناخذ ونعطي معاه قلت له ماعندي غير الثلاثة الاف وخمسميه وبسكنها بالصندقة معززه مكرمه واعلمها تقسيمات العود واخليها تعزف على كل المقامات واعلمها التك بم وتك تك بم بم بمرواسي الفاخر وراح اشتري لها شيشة ومعسل ابو هيثم واذا شفتها بدعت جبت لها معسل الباشا تفاح وبعد 15 سنة ان الله رزقنا عيال راح نكون فرقة فنيه ونكسب قروش و ربك يسهلها واخطط واشتري قصر زي الناس ياعمي انا انسان امشي على خطط وراسم طريق ولازم اشقه هاه وش قلت ياعم ؟؟ ،عصب ابو اسعد وطق فيه عرق وتلفظ علينا بالفاظ وسخه من القهر وطلع علينا ساكتون نارية كان مخبيها تحت الكنبة بالمجلس وهددني بالقتل ، انا يوم شفت الساكتون تذكرت البنادق ابو فتحتين اللي اشوفها بافلام الكراتين ، خفت وتصببت عرقا و الوالد عملها بالسروال وقاعد يبكي من الروعه، نحشنا مع الباب والنعال نسيناها مانبيها ياروح مابعدك روح الدعوة وصلت للقتل ،والوالده قاموا عيال الكلب عليهم اللعنه ذبوها من الدريشة بالدور السابع ، وهي طايحه بسرعة الجاذبية الارضية ثبتها الوالد على صدره ولعبها عرضيه ، جيت انا بالراس وعلى شنطة السيكل وقوووووووول ركبنا السيكل وعلى العايلة الثانية
سبشل ثاني
اللي يبي اللقطة يروح لليوتيوب واذا ماحصلتوها كلموا سالم مدير التلفزيون تراها موجوده عنده بالارشيف وإذا عيا لايعطيكم قولوا له من طرف عباس وهو راح يفهمها
العايلة الثانية
عايلة ابو علي ، كان ابو علي رجلا ملتزما تبان عليه اثار الطواعه فهو لا يضع نشا على الشماغ ولا يعترف بالعقال بل يعتبر لبس العقال نوع من انواع الكبرياء التكبر وشوفة النفس ، اول ماتدخل مع باب بيته تشم ريحة عود وتسمع صوت قناة المجد وعند المغسلة تشوف تقويم هجري وصحيفة مكتوب فيها كيفية الوضوء المهم كان ابو علي مزواجا لكل من يطرق بابه مخفاضا للمهور وكان من الديسكاونتيين الذين يعملون لك ديسكاونت و خصومات بالمهرو شعاره دايم في ذا الحياة يسر ولاتعسر فلم يذكر انه رد احدا طرق بابه ، المهم وبينما نحن في مجلسه نطلب يد ابنته عاتكة بنت ابي علي قال ابو علي انا ابي 45000 ريال مهر تدفعون 30000 مقدم والباقي الله يسهل ، قاطعته قليلا وقلت له طيب يابو علي انت معروف عنك التيسير على الشباب ومساعدتهم على الزواج وان الفلوس ماتهمك فأنا اقول وش رايك ب3500 مالها داعي 45000 يسروا ولاتعسروا يعني وش المشكلة لو زوجتني ب 3500 ريال تصدق يابو علي امس قريت بجريدة عكاظ واحد مزوج بنته بريال ، وش فيها لو زوجتني ب3500 عصب ابو علي وقال لي انت شكلك ماتربيت ياورع هذه سلومنا وعوايدنا وقلت له ياشيخ طش السلوم على جنب عصب ابو علي واقام علينا الجهاد واخرج سيفه من غمده وخرج ابنائه وهم يطلقون اصوات التكبير يا ابتاه اننا معاك ، بالمناسبة ابو علي يقدس العادات والتقاليد ومايرضى اي واحد يقدح فيها بذم اونقصان قام علينا هو وابنائه البرره وحططنا ارجلنا مع الباب ، والوالدة كالعادة ذبوها من الدريشة بالدور العاشر صايحت على الوالد وقلت له يابو الشباب الحق على زوجتك قبل ماتطيح ، ترى جدي الله يرحمه حطها امانه عندك يالوسخ جاكم الوالد داز وطاير واستقبل الوالدة بكتفه ورجعها لي كعب وجيت انا من ورى الوالد مخترقا الصفوف الدفاعية وشت الوالدة شوته محترمه لكنها اخطت الهدف هذه المرة وطاحت في في حفره ياحسافة على رجلك والله ولا رجل حسن ربيع كادت بشنطة السيكل لكن خيرها بغيرها
العايلة الثالثة والاخيرة
وفي نهاية جولتنا رحنا لأخر عايلة في قائمة العوايل وهي عايلة ابو شامل السر في تسميته ابو شامل لانه مشترك افاق شامل،انسان حقود وحاسد وفي نفس الوقت كلب كان ابو شامل له نظرة مختلفة وقاعد يناظر فيني باحتقار من يوم دخلنا مع الباب ويوم قعدنا بمجلسه نادى على عياله يجيبون له البشت ،، المهم لبس بشته وطلع فوق الكنبه وناظرني بطرف خشمه لمدة 3 دقايق وقال لي شوف ياعباس انت تعديت السن القانونية للزواج ومن الطبقة الكادحه في المجتمع ونصيحتي لك دور لك عايله كوادحيه وتزوج من عندهم ولاتطق باب يجرعليك المصايب و حنا ماراح نزوجك يالكوادحجي حتى يتحسن وضعك المادي وتترك وظيفتك العار وتضم للطبقة البرجوازية وتصير واحد له هيبة ، قمت انا وقلت له لايكثر يابو شامل ماتبي تزوجني قلنا عادي لكن تغلط علي وتصنفني من ضمن الكوادح يالعنصري. قفلت معي الاخلاق قمت على ابو شامل وخربت الدعوة معاه في بيته وفي وسط مجلسه وحذفته بالبيلات والوالد كمل عليه و كسر الزمزميه على راسه ، اخيرا نفذت انا والوالد حركتنا المشهورة طلع الوالد على كتفي وقاعد يزغرط ونط نطته المشهورة على بطن ابو شامل ، نحشت انا والوالد مع الباب ومايحتاج اقول لكم عن مصير الوالده معروفه ذبوها مع الدريشة وصايح علي الوالد الحق على امك ياعباس يالزلابه ،، نزلت مع الدرج داز بس للاسف مالحقت طاحت على كبوت سياره دستن 82، وقعدت الوالدة تستهبل مسويه تعورت من الطيحه زي الدعيع يوم يقعد ساعة يتمغط وهو مافيه الا العافية
اخيرا ركبنا السيكل و رجعت الوالد والوالده لبيتهم الشعبي وانا رجعت للصندقة متحطم والدموع تهل من عيوني زي البزبوز اللي يجي في اعلانات استهلاك الماء،وفي نشوة الحزن ضغطت على زر المسجل واشتغل طاهر الحساوي ( البارحة ونيت واهتز سطح البيت ) واطلقت الونات حتى ارتجت الصندقة ،، وقمت وزينت الشيشة واحرقت المعسل حتى استسلمت عيوني للنوم ولي الشيشة بين احضاني
اه