ســـلطان الهوى
05-07-2009, 06:17 PM
اييييييييييييييييه ....
تمنيتك تشوف الجرح الاول ... قبل تجرح فؤادي جرح ثاني
غيابك عن عيوني ليه طول .. وانا اعد الدقايق والثواني ..!
.................
يوم الخميس يوم الخلايق تدوج بقلايع وادرين .. كان فيه شخص يقطن في ملحق بيتهم بين اربع جدران مادري وش اللي قرده وخلاه يفكر بمستقبله ..!
الولد يوم شاف الامكانيات المتواجده عنده ونسبة النجاح في المستقبل الزاهر .. يعني قعد يحسب نسبة نجاح مستقبله الزاهر .. لقى الناتج بالماينوس ..!
لا شهادة زي العالم ولا وظيفه زي العالم ولا عنده ناس مثل الاوادم يورث من وراهم شي يعني الابو طفران والام طفرانه .. شاف نفسه على الحديدة وحتى الحديدة مصديه مايقدر يبيعها ..
المهم الولد يوم الخميس جلس مع نفسه وحب يناقش الموضوع بس نفسه كانت معزومه على عرس ولا جت <-- بدينا بالعباطه
المهم عقب ماوافقت نفسه تجي جلس هو ونفسه جلسه شاعريه يملأوها الجدية والشاعرية وجلد الذات وتأنيب الضمير وربع توله زحلاوي يجيب المر
بعد ما جلس شوي هو نفسه وتقهوو وعينوا من الله خير ,, قرر انه يحلي الجلسه بصاروخ عشان يحلى له الجو وتضبط اموره ويفكر صح مع نفسه .. والله ويفرط هاك الصاروخ اللي بيخليه وزير ..
لحظة صراحه ../
الحين انا مامعي الا الثانوي ومعدل دمار وفوق هذا ادبي وموظف بعقد وممكن بأي لحظه انطرد .. وراتبي ماتعدى اربع الاف وشلون ابكون نفسي وشلون ابعرس وشلون ابصرف على عيالي بعدين ..
يخوي انت دبشه من صغرك يعني توك تفكر تكون نفسك يارجال خذ لك نفس بس ولّحقه بجغمه من اللي عندك واطربنا لا تصير فكوك .,.
لا حوووول وش فيتس انتي الحين جايبتس تكونين لي عون صرتي علي فرعون .. اهجدي لا قسم بالله لا اطردتس واجلس لحالي ..
لا والله قل قسم <--- نفسه بزر
اقول علم ياصلتس ويتعداتس ان ماعقلتي ابدور لي نفس ثانيه واخذه عليتس وانتي ابوديتس بيت اهلتس ياقليلة الادب مابقى الا هي بعد ...
الكلام ذا بعد ثالث جغمه من الزحلاوي ..
بعد الجغمه السبعطعش وبعد اكتمال حرق الصاروخ بدا يفكر الرجال هو صدق انه مايقدر يحرك جسمه من التناحه اللي جته ومن قوو الفقدة بس مخه بدا يتحرك وجت في باله فكره ...
الحين يانفسي انا ابسألتس سؤال ..
سم يابعد حيي ..
انا اداوم من الساعه سبع ونص الين الساعه ثلاث العصر وبعده فاضي .. ليه ماشوف لي شغله ثانيه واخذ دراهم من وراه ؟
ياخي مهب مشكلة الشغل مهب عيب بس تدري وش بيصير ..
وش بيصير
ابد بيصير وجهك كنه كرت شاشه من تعب انواع الالوان والشقوق وعيونك بتاصل لثمك مافيه نوم ولا راحه للجسم ولانتب جالسن مع اهلك ولا شايفن ربعك ..
طيب الى متى وانا ابعيش كذا طفران .. ابي تجيني فلوس واعيش حياتي زي العالم .. شوفي قضيمان المكبّس دربحه مايدري وين الله حاطه ومع سياره بميتين الف .. و دحيّم الحول نفس الشي وكلهم مامعهم شهادات ومتوظفين وعايشين حياتهم ليه انا طيب .؟
ياخي انت ماعليك من الناس خلك بنفسك ومد رجلك على قد لحافك ..
وين لحالفي ذا مانيب اشوفه ولا والله لا ابيعه وشوله كثرة المفارش يكفي واحد
المهم بس يانفسي تراي قررت ..
وشو بتطلقني وتاخذ غيري ياقليل الادب ياللي ماتستحي .. والله اني داريه من اول ماقلت لي تعالي ..
اسمعي بس ولا يكثر الحتسي ... انا جت ببالي فكره ..
وشي ..؟
اصبري بس اشغل لاب توبي واضبط اموره وهمن اقولتس اياه ...
ياخي علمني ولا رحت وتركتك ..!
لا خلاص ابقولتس اجلسي معي <---- ياشين الحشيش
الفكرة سلمتس الله ابلعب على العالم واقولهم ان فيه مادة خطيره نادرة الوجود ولا تقدر بثمن ويحتاجه الناس .. لا لا مانيب قايل يحتاجه الناس ابقول يحتاجه الارهابيين عشان تصير مهمه مره ولا اقولتس ابقول تقدر من خلاله انك تصنع قنبلة نوويه
ياشرير
ايه بس ذي لازم نتكتك به ونضبط امورة قبل لا نطلق ذا النصبه .. مليت وانا فقير ابي اصير غني مايصلح كذا ..
بس المشكله وش الشي الخطير والمهم واللي انت تملكه .. لانك طفران يالله الغناة وماتقدر تشري اي شي ..
هذي المشكله اللي تواجهني الحين ولا ادري وشلون احله .. وشرايتس نقول ان المكنسة الكهرب به ماده بالشفاطه لو يشمه اي واحد يموت ..!
طيب يالدبشه وش يبون به العالم كلن بيحلت المكنسه ومحد شاريه ..
ايه صح ..
ياخي شكلك سكران انت
لا ياشيخه
طيب اسمع .. وشرايك تقول ان هالباب اللي عندك به ماده تتفاعل مع ثاني اكسيد الميثالوكسيوم المؤدي للانشكاح النووي الشديد الانفجار ..
وشو ..؟؟؟!!
والله مدري بس شكلي قلت شي مهم بالحياة .!
لا يابنت الحلال وهمن ابيع بابي واجلس بدون باب انا لا فكرتس شينه دوري غيره..
[ من خلف باب الملحق ]يااااااااااااااااااخويلد خويلد وصقه يصقه اذانك ..
يعععععععععععع وش ذا الفكوك .. سمي وش تبين يمه ..!
امش مشى بطنك تعال ابيك الله لا يبيك كان مامنك فود ولا بك رجا..
وانتي يايمه ماتعرفين تنادين الا بدعاوي معه .. ابعث جمله واحصل على دعوه مجاناً ..
اقول وش هالريحة يالمخيس عسى مهب ريحة المخزي الله يغربلك تسان ماوراك الا البلاوي والنكد ..
لا وش مخزيه اعوذ بالله ذا الريحة ريحة باورهورس ..
الله يهرس بطنك رح شف مكينة الخياطة حقتي مادري وش جاه ماتشتغل خذه ورح صلحه ابي ازين مقطعي لعزيمة هيلتا العبدالعزيز ..
يمه احد فاتح الحين مافيه احد بكرا اوديه ازينه لتس ..
الله لا يفتح لك باب رزقه تسان ماقد قلت لك شي وقلت سمي وده الحين وجبه باتسر ...
سمي ان شاء الله ..
جعلك تسمم وانا اشوف تسانك موذي ..
ياساتر .. !
[ اخذ المكينة وحطها بالملحق ]
ياليل الليل وش ذا النشبه بعد مانيب رايق اروح لمكان الحين ابي اجلس مع نفسي شوي وش ذا الحاله
ياخي خله عندك وبكرا وده للمصلح وقله يخلصه بنفس اليوم وتنتهي السالفه
اي والله انتس صادزه .. خلين احطه هنا جنبي عشان لا قمت مانساه ..
(( حط المكينة جنب السرير والجوال فوق المكينة وكمل سوالفه مع نفسه ))
بعد نص ساعه :
يوووووه نسيت اقول لمتعب ياخذ البلاستيشن من الاستراحه ... (( يمسك الجوال ويشوف الابراج مهب فيه ))
يععع لا تقولي الجوال انفصل بعد مانيب رايق له ..
ليه وش السالفه .!
مافيه شبكه ..
ياخي شف فيه شبكه
اقصد مافيه ابراج ..
طيب الابراج لا راحت ماله دخل فصلت الجوال يمكن جوالك مريض ..
لا جوالي مافيه شي خن اشوف ..
(( تعدل وابعد عن المكينه ورجعت الابراج ))
لا زان الحمد لله .. الو متعب وشلونك الخ الخ الخ .. اسمع (( انسدح جنب المكينه )) طوط طوط طوط ...
وش السالفه راحت الابراج مره ثانيه .. <-- ناظر المكينه ..
شكل ذا المكينه فيها بلا ..
طيب جرب ابعد عن المكينه شف تجي الابراج ولالا .. (( اذا بعد جت الابراج واذا قرب راحت )
اقول يانفسي هو ذا الشي يصير صدز ولا يتهيأ لي .!
لا لا صدز حتى شف
ياسلااااام هذا هي ,,
وشي؟؟
ابقول مادة خطيرة في المكينة تستخدم للاشياء النوويه .. وانشر الاشاعه وابيع المكينه بخمستلاف واصير غني ..
الله يرحم حالك بتطلع اشاعه وبتشغل العالم عشان خمستلاف
هاه اجل كم اقولهم سته ؟
لا لا ان ماجابت ميه لا تبيع
هاو وش تقولين انتي
ايه ماعليك انت طلع الاشاعه وورهم ان الابراج تروح وبيصدقون تراك قاعد بمجتمع كمخ يصدقون اي شي ينقالهم اجل خالد عزيز ماخذ نص مليون من البلوي عشان ينطرد ولو فاز الهلال بالدوري بيجيه نص مليون او اكثر من المكافأت والشرهات
اي والله انتس صادزه يازينتس يانفسي ويلوموني فيتس ..طيب وش اقول بالمكينه عشان يصدقون الكذبه ..!
قل اي شي بس خله شي متكتك عشان الجهله والمثقفين يبلشون مايناقشونك ..
طيب اصبري افكر .. اصلا ليه الابراج تروح لا قربت من المكينه .؟
ياخي وش دخلك فكر بالشي ولا يروح تفكيرك بعيد ..
طيب ابشوف قوقل يمكن نلقى لنا شي ( وبعد ماقعد يبحث ويمخمخ اكتشف شي اسمه الزئبق الاحمر يستخدم بالحروب ويبونه المشعوذين ) !
بس لقيته ..
وشو
الزئبق الاحمر .. هذا اسم اللي بالمكينه ..
بس المكينه مابه شي احمر
يادبشه ماعليك نقول انه جواه زئبق احمر وهو اللي يروح الارسال والاتصالات يبونه بملايين الفلوس عشان يعرفون وش الشي اللي يخرب اتصالهم ويعدلونه وبنفس الوقت المشعوذين يطلبونه عشان يصيرون اغنياء لان الزئبق الاحمر يطول عمر الجن على حسب علمهم
ياسلاااام بنصير اغنياء ..
[- انتشرت الاشاعة وحقق خوينا اللي يبي وباع مكاين امه بمئات الالوف وصار غني والسبب دباشة المجتمع -]
مايستفاد من القصه :
عزيزي العميل
إلى متى وأنت كمخه تمشي ورا الاشاعات .!
واعذروووونا على الاطاله
:d
:d:d:d
:d:d:d:d:d:d
تمنيتك تشوف الجرح الاول ... قبل تجرح فؤادي جرح ثاني
غيابك عن عيوني ليه طول .. وانا اعد الدقايق والثواني ..!
.................
يوم الخميس يوم الخلايق تدوج بقلايع وادرين .. كان فيه شخص يقطن في ملحق بيتهم بين اربع جدران مادري وش اللي قرده وخلاه يفكر بمستقبله ..!
الولد يوم شاف الامكانيات المتواجده عنده ونسبة النجاح في المستقبل الزاهر .. يعني قعد يحسب نسبة نجاح مستقبله الزاهر .. لقى الناتج بالماينوس ..!
لا شهادة زي العالم ولا وظيفه زي العالم ولا عنده ناس مثل الاوادم يورث من وراهم شي يعني الابو طفران والام طفرانه .. شاف نفسه على الحديدة وحتى الحديدة مصديه مايقدر يبيعها ..
المهم الولد يوم الخميس جلس مع نفسه وحب يناقش الموضوع بس نفسه كانت معزومه على عرس ولا جت <-- بدينا بالعباطه
المهم عقب ماوافقت نفسه تجي جلس هو ونفسه جلسه شاعريه يملأوها الجدية والشاعرية وجلد الذات وتأنيب الضمير وربع توله زحلاوي يجيب المر
بعد ما جلس شوي هو نفسه وتقهوو وعينوا من الله خير ,, قرر انه يحلي الجلسه بصاروخ عشان يحلى له الجو وتضبط اموره ويفكر صح مع نفسه .. والله ويفرط هاك الصاروخ اللي بيخليه وزير ..
لحظة صراحه ../
الحين انا مامعي الا الثانوي ومعدل دمار وفوق هذا ادبي وموظف بعقد وممكن بأي لحظه انطرد .. وراتبي ماتعدى اربع الاف وشلون ابكون نفسي وشلون ابعرس وشلون ابصرف على عيالي بعدين ..
يخوي انت دبشه من صغرك يعني توك تفكر تكون نفسك يارجال خذ لك نفس بس ولّحقه بجغمه من اللي عندك واطربنا لا تصير فكوك .,.
لا حوووول وش فيتس انتي الحين جايبتس تكونين لي عون صرتي علي فرعون .. اهجدي لا قسم بالله لا اطردتس واجلس لحالي ..
لا والله قل قسم <--- نفسه بزر
اقول علم ياصلتس ويتعداتس ان ماعقلتي ابدور لي نفس ثانيه واخذه عليتس وانتي ابوديتس بيت اهلتس ياقليلة الادب مابقى الا هي بعد ...
الكلام ذا بعد ثالث جغمه من الزحلاوي ..
بعد الجغمه السبعطعش وبعد اكتمال حرق الصاروخ بدا يفكر الرجال هو صدق انه مايقدر يحرك جسمه من التناحه اللي جته ومن قوو الفقدة بس مخه بدا يتحرك وجت في باله فكره ...
الحين يانفسي انا ابسألتس سؤال ..
سم يابعد حيي ..
انا اداوم من الساعه سبع ونص الين الساعه ثلاث العصر وبعده فاضي .. ليه ماشوف لي شغله ثانيه واخذ دراهم من وراه ؟
ياخي مهب مشكلة الشغل مهب عيب بس تدري وش بيصير ..
وش بيصير
ابد بيصير وجهك كنه كرت شاشه من تعب انواع الالوان والشقوق وعيونك بتاصل لثمك مافيه نوم ولا راحه للجسم ولانتب جالسن مع اهلك ولا شايفن ربعك ..
طيب الى متى وانا ابعيش كذا طفران .. ابي تجيني فلوس واعيش حياتي زي العالم .. شوفي قضيمان المكبّس دربحه مايدري وين الله حاطه ومع سياره بميتين الف .. و دحيّم الحول نفس الشي وكلهم مامعهم شهادات ومتوظفين وعايشين حياتهم ليه انا طيب .؟
ياخي انت ماعليك من الناس خلك بنفسك ومد رجلك على قد لحافك ..
وين لحالفي ذا مانيب اشوفه ولا والله لا ابيعه وشوله كثرة المفارش يكفي واحد
المهم بس يانفسي تراي قررت ..
وشو بتطلقني وتاخذ غيري ياقليل الادب ياللي ماتستحي .. والله اني داريه من اول ماقلت لي تعالي ..
اسمعي بس ولا يكثر الحتسي ... انا جت ببالي فكره ..
وشي ..؟
اصبري بس اشغل لاب توبي واضبط اموره وهمن اقولتس اياه ...
ياخي علمني ولا رحت وتركتك ..!
لا خلاص ابقولتس اجلسي معي <---- ياشين الحشيش
الفكرة سلمتس الله ابلعب على العالم واقولهم ان فيه مادة خطيره نادرة الوجود ولا تقدر بثمن ويحتاجه الناس .. لا لا مانيب قايل يحتاجه الناس ابقول يحتاجه الارهابيين عشان تصير مهمه مره ولا اقولتس ابقول تقدر من خلاله انك تصنع قنبلة نوويه
ياشرير
ايه بس ذي لازم نتكتك به ونضبط امورة قبل لا نطلق ذا النصبه .. مليت وانا فقير ابي اصير غني مايصلح كذا ..
بس المشكله وش الشي الخطير والمهم واللي انت تملكه .. لانك طفران يالله الغناة وماتقدر تشري اي شي ..
هذي المشكله اللي تواجهني الحين ولا ادري وشلون احله .. وشرايتس نقول ان المكنسة الكهرب به ماده بالشفاطه لو يشمه اي واحد يموت ..!
طيب يالدبشه وش يبون به العالم كلن بيحلت المكنسه ومحد شاريه ..
ايه صح ..
ياخي شكلك سكران انت
لا ياشيخه
طيب اسمع .. وشرايك تقول ان هالباب اللي عندك به ماده تتفاعل مع ثاني اكسيد الميثالوكسيوم المؤدي للانشكاح النووي الشديد الانفجار ..
وشو ..؟؟؟!!
والله مدري بس شكلي قلت شي مهم بالحياة .!
لا يابنت الحلال وهمن ابيع بابي واجلس بدون باب انا لا فكرتس شينه دوري غيره..
[ من خلف باب الملحق ]يااااااااااااااااااخويلد خويلد وصقه يصقه اذانك ..
يعععععععععععع وش ذا الفكوك .. سمي وش تبين يمه ..!
امش مشى بطنك تعال ابيك الله لا يبيك كان مامنك فود ولا بك رجا..
وانتي يايمه ماتعرفين تنادين الا بدعاوي معه .. ابعث جمله واحصل على دعوه مجاناً ..
اقول وش هالريحة يالمخيس عسى مهب ريحة المخزي الله يغربلك تسان ماوراك الا البلاوي والنكد ..
لا وش مخزيه اعوذ بالله ذا الريحة ريحة باورهورس ..
الله يهرس بطنك رح شف مكينة الخياطة حقتي مادري وش جاه ماتشتغل خذه ورح صلحه ابي ازين مقطعي لعزيمة هيلتا العبدالعزيز ..
يمه احد فاتح الحين مافيه احد بكرا اوديه ازينه لتس ..
الله لا يفتح لك باب رزقه تسان ماقد قلت لك شي وقلت سمي وده الحين وجبه باتسر ...
سمي ان شاء الله ..
جعلك تسمم وانا اشوف تسانك موذي ..
ياساتر .. !
[ اخذ المكينة وحطها بالملحق ]
ياليل الليل وش ذا النشبه بعد مانيب رايق اروح لمكان الحين ابي اجلس مع نفسي شوي وش ذا الحاله
ياخي خله عندك وبكرا وده للمصلح وقله يخلصه بنفس اليوم وتنتهي السالفه
اي والله انتس صادزه .. خلين احطه هنا جنبي عشان لا قمت مانساه ..
(( حط المكينة جنب السرير والجوال فوق المكينة وكمل سوالفه مع نفسه ))
بعد نص ساعه :
يوووووه نسيت اقول لمتعب ياخذ البلاستيشن من الاستراحه ... (( يمسك الجوال ويشوف الابراج مهب فيه ))
يععع لا تقولي الجوال انفصل بعد مانيب رايق له ..
ليه وش السالفه .!
مافيه شبكه ..
ياخي شف فيه شبكه
اقصد مافيه ابراج ..
طيب الابراج لا راحت ماله دخل فصلت الجوال يمكن جوالك مريض ..
لا جوالي مافيه شي خن اشوف ..
(( تعدل وابعد عن المكينه ورجعت الابراج ))
لا زان الحمد لله .. الو متعب وشلونك الخ الخ الخ .. اسمع (( انسدح جنب المكينه )) طوط طوط طوط ...
وش السالفه راحت الابراج مره ثانيه .. <-- ناظر المكينه ..
شكل ذا المكينه فيها بلا ..
طيب جرب ابعد عن المكينه شف تجي الابراج ولالا .. (( اذا بعد جت الابراج واذا قرب راحت )
اقول يانفسي هو ذا الشي يصير صدز ولا يتهيأ لي .!
لا لا صدز حتى شف
ياسلااااام هذا هي ,,
وشي؟؟
ابقول مادة خطيرة في المكينة تستخدم للاشياء النوويه .. وانشر الاشاعه وابيع المكينه بخمستلاف واصير غني ..
الله يرحم حالك بتطلع اشاعه وبتشغل العالم عشان خمستلاف
هاه اجل كم اقولهم سته ؟
لا لا ان ماجابت ميه لا تبيع
هاو وش تقولين انتي
ايه ماعليك انت طلع الاشاعه وورهم ان الابراج تروح وبيصدقون تراك قاعد بمجتمع كمخ يصدقون اي شي ينقالهم اجل خالد عزيز ماخذ نص مليون من البلوي عشان ينطرد ولو فاز الهلال بالدوري بيجيه نص مليون او اكثر من المكافأت والشرهات
اي والله انتس صادزه يازينتس يانفسي ويلوموني فيتس ..طيب وش اقول بالمكينه عشان يصدقون الكذبه ..!
قل اي شي بس خله شي متكتك عشان الجهله والمثقفين يبلشون مايناقشونك ..
طيب اصبري افكر .. اصلا ليه الابراج تروح لا قربت من المكينه .؟
ياخي وش دخلك فكر بالشي ولا يروح تفكيرك بعيد ..
طيب ابشوف قوقل يمكن نلقى لنا شي ( وبعد ماقعد يبحث ويمخمخ اكتشف شي اسمه الزئبق الاحمر يستخدم بالحروب ويبونه المشعوذين ) !
بس لقيته ..
وشو
الزئبق الاحمر .. هذا اسم اللي بالمكينه ..
بس المكينه مابه شي احمر
يادبشه ماعليك نقول انه جواه زئبق احمر وهو اللي يروح الارسال والاتصالات يبونه بملايين الفلوس عشان يعرفون وش الشي اللي يخرب اتصالهم ويعدلونه وبنفس الوقت المشعوذين يطلبونه عشان يصيرون اغنياء لان الزئبق الاحمر يطول عمر الجن على حسب علمهم
ياسلاااام بنصير اغنياء ..
[- انتشرت الاشاعة وحقق خوينا اللي يبي وباع مكاين امه بمئات الالوف وصار غني والسبب دباشة المجتمع -]
مايستفاد من القصه :
عزيزي العميل
إلى متى وأنت كمخه تمشي ورا الاشاعات .!
واعذروووونا على الاطاله
:d
:d:d:d
:d:d:d:d:d:d